“საქართველოში არანაირი მოლაპარაკება სანქციების გევრდის ავლაზე არ მიმდინარეობს” – გიორგი ვოლსკი

საქართველოს პარლამენტის თავმჯდომარის პირველი მოადგილე გიორგი ვოლსკი განცხადებას აკეთებს უკრაინის დაზვერვის სამსახურის მიერ გავრცელებულ ინფორმაციაზე, რომ რუსეთი პროდუქციის რეექსპორტზე საქართველოსთან მოლაპარაკებებს აწარმოებს, სანქციებისთვის გვერდის ასავლელად:

,,ერთი რამ შეგვიძლია დარწმუნებით ვუთხრათ უკრაინელ ხალხს, საზოგადოებას, ვინც ამ დეზინფორმაციას უსმენს.

საქართველოში არანაირი მოლაპარაკება, სანქციების გევრდის ავლაზე, არ მიმდინარეობს. ასეთი არ განხორხციელდება, ასეთი ვერ განხორციელდება – არც საქონელი და არც ბიზნესი, რომელსაც გარკვეული სანქციები ადევს, საქართველოს გავლით არ მოხვდება არც ერთ ბაზარზე, რომელთა დაშვება არ აქვს საერთაშორისო სანქციებს“, – განაცხადა გიორგი ვოლსკიმ.

ავტორი
ნინი ხიჯაკაძე