სოციალურ ქსელში გამოქვეყნებული პოსტის მეშვეობით ცალკეულ ფაქტებზე საუბრობს იურისტი, საჯარო მმართველობის დოქტორი თამთა მეგრელიშვილი და კონკრეტული პრეტენზიებით მიმართავს უკრაინის პრეზიდენტ ვოლოდიმირ ზელენსკის:
“მედიის ცნობით, ზელენსკიმ თქვა, რომ მისთვის სრულიად გასაგებია ის გარემოებები, რომელთა გამოც, აზერბაიჯანი უკრაინას იარაღს ვერ აწვდის, თუმცა აღნიშნავს ამ ქვეყნიდან გაგზავნილი ჰუმანიტარული და სამედიცინო დახმარების მნიშვნელობას.
ამ დროს საქართველო პირველია უკრაინისთვის გაგზავნილი ჰუმანიტარული ტვირთით – უკრაინა დუმს;
ამ დროს საქართველომ მიიღო, დააბინავა, მზრუნველობს, უფასო სერვისებს სთავაზობს უკრაინელ ხალხს – უკრაინა დუმს;
ამ დროს საქართველო ყველა გადაწყვეტილებით, მათ შორის საერთაშორისო დონეზე დგას უკრაინის გვერდით – უკრაინა დუმს;
არადა ეს ის საქართველოა, რომელიც წლებია უძლებს 2008 წლიდან დაწყებულ ომს;
ეს ის საქართველოა რომლის ტერიტორიების 20% ოკუპირებულია რუსეთის მიერ;
ეს ის საქართველოა, რომლის დედაქალაქიდან 29 კილომეტრში დგას რუსული ჯარი და რუსული ტანკები;
ეს ის სამმილიონიანი სისხლისგან დაცლილი საქართველოა, რომელსაც რატომღაც სისხლსაც სთხოვთ.
გესმით ყველა სხვა ქვეყნის, მაგრამ არა საქართველოსი!
გაიწვიეთ ელჩი, გაქვთ პოლიტიკური გონორი
– რატომ?!
– რატომ?!
და სანამ თქვენ ამ კითხვებზე გასაცემ პასუხებს ეძებთ, მე მაინც ამაყად ვიტყვი, რომ ქართველი ხალხი და ქართული სახელმწიფო დგას უკრაინისა და უკრაინელების გვერდით!
მშვიდობა ჩვენს ქვეყნებს, ამინ!” – წერს ფეისბუქის პირად გვერდზე თამთა მეგრელიშვილი.
