“ელჩის გაწვევა, რა თქმა უნდა, შეცდომა იყო, რადგანაც საქართველო ყველა კრიტიკულ სანქციას შეუერთდა” – ჯუანშერ ბურჭულაძე უკრაინის ელჩის გაწვევაზე

საქართველოს თავდაცვის მინისტრი ჯუანშერ ბურჭულაძე კომენტარს აკეთებს უკრაინის პრეზიდენტის, ვოლოდიმერ ზელენსკის განცხადებაზე ელჩის დაბრუნებასთან დაკავშირებით:

,,ჩვენ მაქსიმალურს ვაკეთებთ იმისთვის, რომ დავანახოთ უკრაინის ხელისუფლებას და საზოგადოებას, რომ ჩვენ ვდგავართ მათ გვერდში.

ჩემი აზრით, ელჩის გაწვევა, რა თქმა უნდა, შეცდომა იყო. რაც უფრო სწრაფად დავივიწყებთ, თუ რამე წყენა გვაქვს, მით უფრო სწრაფად განვითარდებიან ჩვენი ქვეყნები და დადგება მშვიდობა. ის ფორმულირება, რომ საქართველო სანქციებს არ უერთდება, არ არის სწორი. საქართველო ყველა კრიტიკულ სანქციას შეუერთდა – ესაა გაერო, ევროსაბჭო თუ კიდევ სხვა სანქცია.

ხოლო იმ სანქციებს, რომლებიც არანაირ ეფექტს არ მოახდენენ აგრესორზე და მხოლოდ დაიჩაგრება ჩვენი მოსახლეობა – არ არის გონივრული რომ ჩვენ შევუერთდეთ“, – განაცხადა ჯუანშერ ბურჭულაძემ.

ავტორი
ნინი ხიჯაკაძე