“მივულოცეთ დამდეგი აღდგომა და გავუზიარეთ ჩვენი ემოციები, რომლებიც გვაკავშირებს უკრაინასთან“ – შალვა პაპუაშვილი უკრაინის მოქალაქეებთან შეხვედრაზე

საქართველოს პარლამენტის თავმჯდომარემ შალვა პაპუაშვილმა საქართველოში მყოფი უკრაინის მოქალაქეები მოინახულა და აღდგომის ბრწყინვალე დღესასწაული მიულოცა:

,,პარლამენტის წევრებთან ერთად მოვინახულეთ საქართველოში მყოფი უკრაინის მოქალაქეები – ბავშვები და მათი მშობლები. მივულოცეთ დამდეგი აღდგომა და გავუზიარეთ ჩვენი ემოციები, რომელიც უკრაინასთან გვაკავშირებს.

გვქონდა საუბარი უკრაინაში მიმდინარე რუსულ აგრესიაზე, თუმცა, რა თქმა უნდა, ჩვენ ძირითადად ვისაუბრეთ იმაზე, თუ როგორ უნდა გავიხედოთ წინ.

მნიშვნელოვანია ახლა, რომ ბავშვები, რომლებიც იმყოფებიან საქართველოში გრძობდნენ ზრუნვას როგორც ქვეყნისგან, ისე ადმიანების მხრიდან და შეძლონ საკუთარი ერის ცხოვრების მთელი სისავსით შეგრძნება საქართველოში“, – განაცხადა შალვა პაპუაშვილმა.

ავტორი
ნინი ხიჯაკაძე