“ევროპელი დემოკრატების” პოლიტიკური საბჭოს თავმჯდომარე, საგარეო საქმეთა მინისტრის ყოფილი მოადგილე, ნიკოლოზ ვაშაკიძე საქართველოში რუსული პროპაგანდის წინააღმდეგ საკანონმდებლო დონეზე შესაბამისი გადაწყვეტილებებისკენ საპარლამენტო ოპოზიციას მოუწოდებს:
“გადავსებულია გული იმ უბედურების და საცოდაობის ყურებით, რასაც ეს ნაძირალა რუსეთის იმპერია უკრაინელ ხალხს უშვრება. და ამ პირობებში ყოველ დღე იმ ნაგვების პროპაგანდას ვუყურებთ, ვინც აქ ამავე იმპერიის ოცდაათი ვერცხლით იგივე საშინელებას გვიმზადებს.
შეურაცხყოფილი ვარ, ის სიტყვა აღარაა. ამ პირობებში პრორუსული პროპაგანდის და ფსბ-ს აგენტურის ბოგინს დემოკრატიასთან და სიტყვის თავისუფლებასთან საერთო არაფერი აქვს.
ამას ბოლო უნდა მოეღოს. დაიწყოს საპარლამენტო ოპოზიციამ და ყველანი მხარს დავუჭერთ“, – წერს ფეისბუქის პირად გვერდზე ნიკოლოზ ვაშაკიძე.
