“სანქციებთან არმიერთება პირდაპირ იყო კოჭის გაგორება რუსეთისთვის” – რომან გოცირიძე

,,ერთიანი ნაციონალური მოძრაობის“ პოლიტიკური საბჭოს წევრი, პარლამენტის დეპუტატი რომან გოცირიძე შეფასებას აკეთებს საქართველოს დამოკიდებულებასთან დაკავშირებით რუსეთთან მიმართებაში და აცხადებს, რომ საქართველო არის საქართველო არის რუსეთის ჰიბრიდული ომის პოლიგონი:

,,სანქციებთან არ მიერთება პირდაპირ იყო კოჭის გაგორება რუსეთისთვის. დღეს საქართველო არაფერს არ აწარმოებს ისეთს, რომელსაც შეეძლო სანქციებით ქვეყანა დაეზარალებინა, მაგრამ პოლიტიკური ნაწილი იყო აქ ის, რომ რუსეთისთვის ეთქვა – ჩვენ არა ვართ სოლიდარული უკრაინის მიმართ.

საქართველო არის რუსეთის ჰიბრიდული ომის პოლიგონი. ერთადერთი ქვეყანა ევროპაში, სადაც არ არის აკრძალული ტოტალიტარული ტელევიზიები.

აგერ, ფაქტობრივად, რუსეთის ფილიალი, რომელსაც მხარს უჭერს საქართველოს მთავრობა ე.წ. ,,ალტ-ინფო“, რომელიც პირდაპირ დანაშაულებრივი ორგანიზაციაა“, – განაცხადა რომან გოცირიძემ.

ავტორი
ნინი ხიჯაკაძე