,,ქართული ოცნება – დემოკრატიული საქართველოს” თავმჯდომარე ირაკლი კობახიძე კომენტარს აკეთებს რუსული სანქციების თავის არიდების მიზნით საქართველოს ტერიტორიის გამოყენების შესახებ, უკრაინის სამხედრო დაზვერვის მიერ გავრცელებულ ინფორმაციასთან დაკავშირებით და ამის საპასუხოდ მიხეილ სააკაშვილის მიერ საქართველოს საზღვრის გადმოკვეთის შესახებ საუბრობს:
,,უკრაინიდან შემოვიდა კონტრაბანდური პროდუქტი სააკაშვილის სახით, ომის წინ! სამწუხაროდ, ეს არის ძალიან მძიმე მოვლენა და როგორ გადმოკვეთა ამ კონტრაბანდურმა პროდუქტმა უკრაინის საზღვარი, ეს შეგიძლიათ თქვენ მოიკითხოთ.
უკრაინული მხარის მიერ გავრცელებული ინფორმაცია, იმ ალოგიკური გადაწყვეტილებების და ნაბიჯების გაგრძელებაა, რაც ჩვენ ვიხილეთ, ასევე უახლოეს წარსულში, მათ შორის იგივე ელჩის გაწვევის სახით.
ამ ყველაფერს აქვს, სამწუხაროდ, ერთი მარტივი მიზეზი, რაც უკვე არაერთხელ ვთქვით, რომ ადამიანები, რომლებიც აქ არიან რადიკალურ ოპოზიციაში, იქ არიან ხელისუფლების ნაწილი. იგივე სააკაშვილი, ადეიშვილი, ლორთქიფანიძე და სხვები.
პროდუქტი, რაზეც საუბრობს უკრაინის ხელისუფლება უნდა შევიდეს საიდანღაც საქართველოს გავლით და როგორც ექსპერტები ამბობენ, ეს პროდუქტი თავისთავად უკავშირდება იმ ქვეყნებს, რომლებიც სანქციებს აწესებენ რუსეთის მიმართ.
აქედან გამომდინარე ალოგიკურობის ჯაჭვია, მთელი ჯაჭვი წარმოდგენილი ამ გადაწყვეტილებაში და კიდევ ერთხელ გავიმეორებ – ეს არის მარტივი აბსურდი”, – განაცხადა ირაკლი კობახიძემ.
ავტორი
ნინი ხიჯაკაძე
