,,სტრატეგია აღმაშენებლის“ თავმჯდომარე გიორგი ვაშაძე კომენტარს აკეთებს უკრაინაში მიმდინარე ომთან, ასევე საქართველოს ოკუპირებულ ტერიტორიებზე მომდინარე პროცესებთან დაკავშირებით და აცხადებს, რომ დიდი ბრძოლა პუტინის დამარცხებით დასრულდება და ყველამ უნდა გაითვალისწინოს ეს:
,,პუტინი დამარცხდება, ხალხნო! ვინც მენტალურად მათ გულშემატკივრობს და შინაგანად მალავს თავის ქვენაძნობებს, ყველას მინდა ვუთხრა, რომ ვერცერთ შემთხვევაში პუტინი და რუსეთი ამ დიდ ბრძოლაში ვერ გაიმარჯვებს, დამარცხდება და თქვენ დარჩებით იმ დამარცხებულ მხარეს!
რაც შეეხება აფხაზებს და ოსებს, კიდევ ერთხელ ვამბობ, რომ სამწუხაროდ, მათ არავინ არ ეკითხება თავის ნებას, მაგრამ მე, ამ შემთხვევაში, შემიძლია ვისაუბრო ჩემს, საქართველოში არსებულ ხელისუფლებაზე, რომლის აი ამ, ასე ვთქვათ, შუალედურმა პოზიციამ შეიძლება დაგვაკარგინოს ჩვენი დასავლელი პარტნიორების მხარდაჭერა.
და იმის ნაცვლად, რომ ვიყოთ გამარჯვებულ მხარეს, შეიძლება აღმოვჩნდეთ არსად“, – განაცხადა გიორგი ვაშაძემ.
ავტორი
ნინი ხიჯაკაძე
