დასრულდა “ALDE”-ს პარტიის ლიდერების შეხვედრა, რომელსაც „სტრატეგია აღმაშენებლის“ ლიდერი გიორგი ვაშაძე ესწრებოდა. “ALDE”-ს ევროპელმა ლიდერებმა კიდევ ერთხელ დაადასტურეს უკრაინისადმი უპირობო მხარდაჭერა.
“მეტი სანქციები რუსეთს, მეტი შეიარაღება და დაფინანსება უკრაინას” – განაცხადა „სტრატეგია აღმაშენებლის“ ლიდერმა გიორგი ვაშაძემ, “ALDE”-ს პარტიის ლიდერების შეხვედრაზე სიტყვით გამოსვლისას.
გიორგი ვაშაძის თქმით შეხვედრაზე ასევე იმსჯელეს რუსული გაზის ემბარგოს საკითხთან დაკავშირებით, რომ უნდა შეიქმნას სტრატეგია, თუ როგორ განთავისუფლდნენ ევროპის ქვეყნები რუსული გაზისადმი დამოკიდებულებისგან.
„დასრულდა “ALDE”-ს პარტიის ლიდერების შეხვედრა. ყველა პარტიის ლიდერი ერთხმად შევთანხმდით უპირობო მხარდაჭერაზე უკრაინის საკითხთან დაკავშირებით. შეხვედრის მთავარი მიზანი, რომელიც გამოიკვეთა, ეს არის – მეტი მხარდაჭერა უკრაინას, როგოც ფინანსურად ასევე სამხედრო თვალსაზრისით და კიდევ უფრო მკაცრი და ხანგრძლივი სანქციები რუსეთს.
შეხვედრაზე ასევე საკითხი შეეხო რუსეთის გაზის მოხმარებას, გამოიკვეთა პოზიცია, რომ ამ მხრივაც გაზის ემბარგოს საკითხზე უნდა დაიწყოს მსჯელობა და უნდა შემუშავდეს სტრატეგია, თუ როგორ განთავისუფლდნენ ევროპის ქვეყნები რუსეთის გაზის დამოკიდებულებისგან, მიუხედავად იმისა, თუ ვინ რა მოცულობის გაზს მოიხმარს. აღნიშნულთან დაკავშირებით დამოკიდებულება არის ერთაზროვანი, რომ რუსეთის გაზისგან უნდა განთავისუფლდეს ევროპა, ეს კი დამატებითი წნეხი იქნება ოკუპანტ ქვეყანაზე.
კიდევ ერთხელ განვმეორდები და ვიტყვი, რომ “ALDE”-ს პარტიის ლიდერების შეხვედრის მთავარი გზავნილი იყო – მეტი სანქციები რუსეთს, მეტი შეიარაღება და დაფინანსება უკრაინას!“, – გიორგი ვაშაძე.
პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
