პარტია “ქართული ოცნების” თავმჯდომარეს ირაკლი ღარიბაშვილსა და მთავრობის მეთაურს ირაკლი ღარიბაშვილს, კონკრეტული შეთავაზებება/ინიციატივით, მიმართა პარტია “სტრატეგია აღმაშენებლის” თავმჯდომარემ გიორგი ვაშაძემ:
“მთლიანად შეიცვალა მსოფლიო განრიგი და გეოპოლიტიკური ვითარება. დღეს, ამ უმძიმეს მდგომარეობაში, ვერცერთი ცალკე აღებული პოლიტიკური ძალა, მათ შორის ვერც “ქართული ოცნება” ქვეყანაში მშვიდობის გარანტი, საქართველოში მშვიდობის გარანტი შეიძლება იყოს ეროვნული ერთიანობა, ჩვენი ერთად დგომა და თანმიმდევრული, სწორი ნაბიჯების გადადგმა იმისათვის, რომ მშვიდობა და უსაფრთხოება შევინარჩუნოთ ჩვენს ქვეყანაში.
გამომდინარე აქედან, მივმართავ ბატონ ღარიბაშვილს და ბატონ კობახიძეს!
გამოვდივართ ინიციატივით, შეიქმნას ეროვნული უშიშროების საბჭოს გაფართოებული ფორმატი, სადაც შევა საპარლამენტო ოპოზიცია და ვიმუშავებთ სამი მნიშვნელოვანი მიმართულებით:
- მშვიდობის უზრუნველყოფა ქვეყანაში და ეროვნული უსაფრთხოება;
- ევროკავშირში დაჩქარებული გაწევრიანების საკითხები;
- საქართველოს ეკონომიკური და ენერგეტიკული უსაფრთხოების საკითხები.
კიდევ ერთხელ ვეუბნები ბატონ კობახიძეს, ბატონ ღარიბაშვილს და „ქართულ ოცნებას“, თქვენ, ცალკე აღებული, ვერ შეძლებთ ვერანაირი გარანტიის შექმნას ქვეყნის მშვიდობისთვის!
ასევე, კიდევ ერთხელ, გთავაზობთ – ერთად წავიდეთ ბრიუსელში, წავიდეთ ჩვენს დასავლელ პარტნიორებთან და ჩვენი ქვეყნის ინტერესებიდან გამომდინარე, ყველამ ერთად, მშვიდობის უზრუნველსაყოფად, გადავდგათ კონკრეტული ნაბიჯები“, – აცხადებს გიორგი ვაშაძე.
