,,სტრატეგია აღმაშენებლის“ გენერალური მდივანი, პარლამენტის წევრი პაატა მანჯგალაძე პოლიტიკურ შეფასებას აკეთებს უკრაინასთან მიმართებაში რუსეთის ქმედებებთან და ვლადიმერ პუტინის გუშინდელ განცხადებასთან დაკავშირებით. ოპოზიციონერი ლიდერი, არსებული ვითარების ფონზე, საუბრობს საქართველოს უსაფრთხოების დაცვის უზრუნველყოფაზე:
,,რუსეთი არის ნამდვილად ბოროტების იმპერია. მის დაშოშმინებას, მასთან ენის მოჩლექით საუბარს აზრი არ აქვს, რადგან ასეთი დამოკიდებულება ახალისებს მის იმპერიალისტურ ზრახვებს.
რა უნდა იყოს პასუხი? – პასუხი უნდა იყოს მტკიცე, რუსეთის მიმართ დასავლეთისგან და იგივე პოზიცია უნდა ჰქონდეს საქართველოსაც.
არ შეიძლება საქართველოს დატოვება პუტინის რუსეთის კეთილი ნების ანაბარა.
ახლა არის მოქმედებების დრო. მოქმედება ნიშნავს იმას, რომ თუ რუსეთი გადაწყვეტს საქართველოშიც მსგავსი სცენარის განვითარებას, ოღონდ უფრო მეტად სიღრმეში.
და თუ ვაპირებთ საქართველოს თავისუფლებისთვის ბრძოლას, უნდა გვქონდეს ადეკვატური იარაღი. ადეკვატური იარაღის ქონა კი ნიშნავს თავდაცვის ბიუჯეტის გაზრდას იმისთვის, რომ ჩვენ გვქონდეს შესაბამისი თავდაცვითი შეიარაღება“, – განაცხადა პაატა მანჯგალაძემ.
ავტორი
ნინი ხიჯაკაძე
