ელენე დარიანის უკვე დაბეჭდილ წიგნში აღმოჩენილი შეცდომის შემდეგ, რასთან დაკავშირებითაც კულტურის სამინისტრომ სპეციალური განცხადება გააკეთა და შესაბამისად შეწყდა ამ გამოცემის გავრცელება, გადაწყდა წიგნის ახლიდან, ჩასწორებული ვარიანტის დაბეჭდვა, რისთვისაც საჭირო თანხის შეგროვება დაიწყო საინიციატივო ჯგუფმა. აღნიშნულ ფაქტს სოციალურ ქსელში გამოეხმაურა ლიტერატურის მუზეუმის დირექტორი ლაშა ბაქრაძე:
“ვინ თქვა რომ ჩვენი საზოგადოება არასოლიდარულია?
გუშინ დავწერე: „(ელენე დარიანის) წიგნს ახლიდან აუცილებლად დავბეჭდავთ – საზოგადოების იმ ნაწილის ხელშეწყობით, ვისაც უყვარს და აინტერესებს ქართული ლიტერატურა და კულტურა“.
გუშინ საღამოს 9 საათისთვის საინციატივო ჯგუფმა წიგნის დასაბეჭდად საჭირო თანხის შეგროვება დაიწყო.
არნახულ ტემპებში, არანახული ხალისით, მხოლოდ სამ საათში შეგროვდა საჭიროზე მეტი თანხა.
ყველას უდიდესი მადლობა, ყველას ვინც თუნდაც 1 ლარი გადმორიცხა საერთო საქმისთვის.
დიდი, დიდი მადლობა ამ ერთად დგომისთვისთვის, ჩვენი ქვეყნის უკეთესი მომავლის რწმენისთვის, დიდი სიყვარულითვის, რადგან სიყვარულის გარეშე არაფერი კარგი არ გამოდის.
წუთის-სოფელი ესეა:
ღამე დღეს უთენებია,
რაც მტრობას დაუქცევია –
სიყვარულს უშენებია“, – წერს ლაშა ბაქრაძე ფეისბუქის პირად გვერდზე.