“ჩვენი ნატოელი პარტნიორების მხრიდან იყო ძალიან მკაფიოდ გაცხადებული, რომ საქართველოს შესახებ გადაწყვეტილება არ მიიღება საქართველოს გარეშე” – დავით ზალკალიანი

ვიცე-პრემიერი, საქართველოს საგარეო საქმეთა მინისტრი დავით ზალკალიანი კომენტარს აკეთებს NATO-ს გენერალური მდივნის მიწვევაზე ბრიუსელში. მისი განცხადებით, ეს გადაწყვეტილება არის უაღრესად მნიშვნელოვანი და დროული:

,,ძალიან მნიშვნელოვანია, რომ ჩვენს ,,NATO“-ელ პარტნიორებთან ვართ მუდმივ კომუნიკაციაში. ბოლო დღეების განმავლობაში ჩვენ, შეიძლება ითქვას, რომ ყოველდღიურად გვაქვს კავშირი ბრიუსელთან.

ჩემი ბოლო სატელეფონო საუბრის დროს ,,NATO”-ს გენერალური მდივნის მოადგილესთან, მან გადმომცა ,,NATO”-ს გენერალური მდივნის მიწვევა, რომ ვეწვიო ბრიუსელს და ბრიუსელში გავაგრძელოთ ჩვენი დისკუსია.

ვფიქრობ, რომ ეს არის უაღრესად დროული, მნიშვნელოვანი. გამომდინარე იქიდან, რომ სულ რამდენიმე დღის წინ გაიმართა NATO-რუსეთის კომისია და იქ იყო ძალიან მძაფრი დისკუსია ნატოს გაფართოებაზე, ასევე გლობალური უსაფრთხოების საკითხებზე.

ჩვენი NATO-ელი პარტნიორების მხრიდან იყო ძალიან მკაფიოდ გაცხადებული, რომ საქართველოს შესახებ გადაწყვეტილება არ მიიღება საქართველოს გარეშე“, – განაცხადა დავით ზალკალიანმა.

ავტორი
ნინი ხიჯაკაძე