“ცოტა აზრზე მოდით ბატონო კახი! უფასო სასადილოების მომსახურების ნაცვლად მხოლოდ პროდუქტის დარიგებაზე ფიქრიც კი გააზრებული მავნებლობაა თბილისის მერის მხრიდან” – თეონა ჭალიძე

5056

უფასო სასადილოების მომსახურების ნაცვლად მხოლოდ პროდუქტის დარიგებასთან დაკავშირებით დაწყებულ მსჯელობას ეხმაურება პარტია “სტრატეგია აღმაშენებლის” პოლიტსაბჭოს წევრი, სოციალური მიმართულების ხელმძღვანელი, თეონა ჭალიძე და კონკრეტული შეფასებებით მიმართავს თბილისის მერს, კახა კალაძეს:

უფასო სასადილოების მომსახურების ნაცვლად მხოლოდ პროდუქტის დარიგებაზე ფიქრიც კი და ბაზრის მოკვლევა არის გაუაზრებელი ქმედება ან გააზრებული მავნებლობა თბილისის მერის მხრიდან. ალბათ უფრო მეორე.

ბატონო კახი,

1. თუ მაინც და მაინც – საჭიროა დიფერენცირებული მიდგომა. გაცნობებთ რომ არსებობენ ადამიანები რომლებსაც თავად არ შეუძლიათ სადილის მომზადება!

2. პროდუქტი, რის გაცემასაც აპირებთ, იქნება იმდენად მცირე, რომ იმით იგივე ეფექტის მიღწევა შეუძლებელი იქნება, რაც ერთობლივად მომზადებისას;

3. სოციალურად დაუცველებს გაეზრდება კომუნალური ხარჯი და ეს დამატებით დააზარალებს მათ;

4. სასადილოები იძულებული გახდებიან უმუშევრად დატოვონ რიგი თანამშრომლები;

5. თავი შეკავეთ და ნუღარ მოითბობთ ხელს გაჭირვებული ადამიანების ხარჯზე. მორიგი კორუფციული გარიგების სუნი დადგა;

6. ყოველი ჭამის დროს გაიხსენეთ რას და რა რაოდენობით ჭამენ ადამიანები, ერთხელ ექსპერიმენტი ჩაატარეთ, ერთი ორშაბათი გაატარეთ ამ მენიუზე (400 გრამი მაწვნის შეჭამანდი, 200 გრამი მანის ფაფა, 250 გრამი პური,) და მერე წარმოიდგინეთ რომ მოგცენ 40 გრამი მაწონი, 12 გრამი, ხახვი, 30 გრამი ბრინჯი, მეოთხედი კვერცხი, 7 გრამი მწვანილი და თავად უნდა მოამზადოთ კერძი.

დაახლოებით ამ სიტუაციაში უნდა ჩააგდოთ ადამიანები, ოჯახები სადაც ერთი, ორი ან სამი ოჯახის წევრია. ასე რომ ცოტა აზრზე მოდით ბატონო კახი!” – წერს ფეისბუქის პირად გვერდზე თეონა ჭალიძე და უფასო სასადილოების სადილის ერთკვირიანი მენიუსთან დაკავშირებულ შესაბამის ინფორმაციას (დანართს) აქვეყნებს.

კომენტარები პუბლიკაციაზე