საქართველოს პარლამენტის თავმჯდომარემ შალვა პაპუაშვილმა რიგგარეშე სესიის პლენარული სხდომის დასასრულს, პარლამენტის წევრებს, აპარატის თანამშრომლებს და მედიის წარმომადგენლებს გაწეული საქმიანობისთვის მადლობა გადაუხადა.
„მინდა მადლობა გადავუხადო პარლამენტის ყველა წევრს აქტიური მონაწილეობისთვის, როგორც უმრავლესობის, ისე ოპოზიციის წარმომადგენლებს. მინდა მადლობა გადავუხადო პარლამენტის აპარატის თანამშრომლებს ამ წელს გაწეული შრომისთვის, მადლობა მედიის წარმომადგენლებს საპარლამენტო საქმიანობის აქტიურად გაშუქებისთვის. მინდა ყველას წინასწარ მოგილოცოთ ახალი წელი და შობა და გისურვოთ ჯანმრთელობა, კეთილდღეობა და გისურვოთ, რომ მომავალი წელი იყოს ჩვენთვის საინტერესო საპარლამენტო საქმიანობის წელი“, – განაცხადა შალვა პაპუაშვილმა.
რიგგარეშე სესიის პლენარული სხდომა რეგლამენტის თანახმად, საქართველოს ჰიმნით დასრულდა.
ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს
