მწერალი და უფლებადამცველი ირაკლი კაკაბაძე ეხმიანება საქართველოს პარლამენტში მომხდარ ფაქტს, როდესაც პარლამენტის თავმჯდომარის სავარძელში რუსეთის დუმის დეპუტატი იხილა სრულიად საქართველომ.
“ძირს ნეოკოლონიალიზმი და იმპერიალიზმი! დღეს საქართველოში აშკარად გამოჩნდა რომ რუსული კოლონიალიზმის და იმპერიალიზმის კოლაბორაციონისტული ძალები გაძლიერდნენ და დაიწყეს ქვეყნის ინტერესების წინააღმდეგ მოქმედება!
1992 წლიდან ქვეყანა იმყოფება კოლაბორაციონისტული ხელისუფლებების ტირანიის ქვეშ, რომელიც მოქალაქეთა დანაშაულებრივი კავშირის სამართალმემკვიდრე პარტიებით – ქოც-ნაცური კოალიციებით იმართება და სწორედ ამან მიგვიყვანა გავრილოვის საქართველოს პარლამენტის სპიკერის სკამში ჩაჯდომა, რაც არის სრულიად მიუღებელი მთელი ქართველი ერისათვის.
რუსეთის იმპერია ამ ხნის განმავლობაში მეთოდურად ძარცვავს ქართველ ერს და მათს შორის ყველა სფეროს წარმომადგენლებს. ქართველი მწერლები და ავტორები ბოლო 27 წლის იძარცვებოდნენ რუსული იმპერიალისტური ინტერესების მიერ. ბატონი გიგა კობალაძის მაგვარი კოლაბორაციონისტები ხელოვნურად აღატაკებდნენ ქართველ ავტორებს და ამდიდრებდნენ რუსეთის იმპერიას. ეს სრულიად მიუღებელია. საქართველო მთლიანად უნდა დადგეს რუსული და ნებისმიერი სხვა კოლონიალიზმის და იმპერიალიზმის წინააღმდეგ. აგრეთვე ქართველ ავტორებს უნდა მიეცეთ საშუალება იყვნენ თავისუფალი რუსული ჩექმისაგან.
ძირს იმპერიალისტები და ძირს კოლაბორაციონისტები! უნდა შეიცვალოს ეს მარიონატეული ნეოლიბერალური რეჟიმი მთლიანად – ქოცების და ნაცების თამადობით. და ამავე დროს უნდა ფარდა აეხადოს ყველა კოლაბორაციონისტს.
უნდა მთლიანად შეიცვალოს ბოლო 27 წლის კოლობაროციონანისტული რეჟიმი – თავისი ყველა განშტოებით!
ძირს იმპერიალიზმი და გაუმარჯოს თავისუფლებას!” – წერს ფეისბუკის პირად გვერდზე ირაკლი კაკაბაძე