ბიძინა ივანიშვილის მიერ ირაკლი ღარიბაშვილთან მიმართებაში გამოთქმულ შეფასებებს სოციალურ ქსელში ეხმაურება “სტრატეგია აღმაშენებლის” პოლიტსაბჭოს წევრი სერგო ჩიხლაძე:
“ბიძინამ ანტუნიზე თქვა, ეგ საერთოდ ვერაფერში ერკვევაო, არანაირი ავტორიტეტი არააო და ისე, რაც გინდათ ის დაუძახეთ და როგორც გინდა ისე მოიხსენიეთო.
ოდნავ თავმოყვარე კაცი ცოტა გაბრაზდებოდა მაინც, მაგრამ ანტუნი ხომ ეგეთი ოდნავადაც არაა!
ამიტომ, ზის ახლა და ფიქრობს, ნეტავ სად რა დავაკელიო და “მადლობა ბატონო ბიძინა”-ს ახალ, უფრო შთამბეჭდავ ვერსიას ამუშავებს,” – წერს ფეისბუქის პირად გვერდზე სერგო ჩიხლაძე.
ინფორმაციისთვის: ბიძინა ივანიშვილმა ბერმუდის კუნძულების უზენაეს სასამართლოში “კრედიტ სუისის”-ის წინააღმდეგ დისტანციურად ჩვენების მიცემისას განაცხადა, რომ “ღარიბაშვილი არ იყო ჩემთვის ავტორიტეტი, ღარიბაშვილი არ იყო ფინანსისტი, არ ჰქონდა არც იურიდიული განათლება და არც ფინანსური“, ხოლო შეკითხვაზე – “ანუ მდივანივით გყავდათ ღარიბაშვილი?“, “ქართული ოცნების” დამფუძნებელი პასუხობს: “რაც გინდათ, ის დაარქვით, თქვენ რომელი სახელითაც გინდათ, იმით მოიხსენიეთ“. შესაბამისი ვიდეომასალა ტელეკომპანია “ფორმულამ” გაავრცელა.