საქართველოს იუსტიციის მინისტრმა, რატი ბრეგაძემ ტელეკომპანია “რუსთავი2”-ის ეთერში საპატიმროში მყოფ მიხეილ სააკაშვილის შიმშილობასთან დაკავშირებით ისაუბრა და განაცხადა, რომ მე-3 პრეზიდენტი არ შიმშილობს, იგი იღებს სხვადასხვა სახის ფაფებს და ნატურალური წვენებს:
,,დიახ, მან თავიდანვე, საპატიმროში შემოსვლისას, როდესაც მიიღო საბანკო ბარათი და ეს ძალიან სწრაფად მოხდა, შემოსახლებიდან სულ რაღაც 2 დღეში, თავიდან შეიძინა გარკვეული პროდუქტები. შემდგომში მან განაცხადა უარი თითქოს ამ საკვები პროდუქტების მიღებაზე, გავიდა გარკვეული პერიოდი, ის დათანხმდა და საკუთარი სურვილით მიიღო გარკვეული ფაფები – სხვადასხვა სახის და ნატურალური წვენები. ასევე ის აგრძელებს იმ მედიკამენტების მიღებას, რომელიც გამოუწერეს ექიმებმა. ის იღებს საკვებს, რაც აღარ არის სამედიცინო დანიშნულება“, – აღნიშნა რატი ბრეგაძემ.