ჭადრაკში ქალთა შორის ხუთგზის მსოფლიო ჩემპიონის, ნონა გაფრინდაშვილის მიერ, კომპანია Netflix-ის წინააღმდეგ კალიფორნიის სასამართლოში საჩივრის შეტანას, მასთან დაკავშირებული ფაქტების დამახინჯების გამო მინი-სერიალ “ლაზიერის გამბიტის” (The Queen’s Gambit) ერთ-ერთ ეპიზოდში, ეხმიანება პარტია “ხალხისთვის” ლიდერი ანა დოლიძე და ლეგენდარულ მოჭადრაკეს კონკრეტული სახის დახმარებას სთავაზობს:
“აი მარადონა რომ ჰყავთ არგენტინელებს და პელე – ბრაზილიას. ხალხნო, ჩვენ გვყავს ნონა!!! ნონა!!! ცოცხალი მსოფლიო ლეგენდა.
ჩემი მხარდაჭერა ნონა გაფრინდაშვილს! თუ რამეში გამოადგება ჩემი საერთაშორისო სამართლებრივი ცოდნა და გამოცდილება, მზად ვარ. დიდება დედოფალს!” – წერს ფეისბუქის საკუთარ გვერდზე ანა დოლიძე.
