პოლიტიკური პლატფორმა ‘’მესამე ძალა – სტრატეგია აღმაშენებლი“ აქტიურ წინა საარჩევნო კამპანიას განაგრძობს. „მესამე ძალის“ ლიდერი გიორგი ვაშაძე, თბილისის საკრებულოს თავმჯდომარეობის კანდიდატი სერგო ჩიხლაძე და სამგორის მაჟორიტარობის კანდიდატი ვახო იაშვილი სამგორის მოსახლეობას შეხვდნენ, მოისმინეს ადგილობრივი მაცხოვრებლების პრობლემები და ისაუბრეს გადაჭრის გზებზე.
პოლიტიკური პლატფორმის ლიდერების თქმით, მნიშვნელოვანია შეიქმნას სამუშაო ადგილები და მოსახლეობა დაუბრუნდეს პოლიტიკის ცენტრს, რათა მათი პრობლემების გადაჭრა მოხდეს:
„ჩვენ ვხვდებით მოსახლეობას და ვცდილობთ გავარკვიოთ პრობლემები, რომელიც მათ აწუხებთ. ყველაზე მნიშვნელოვანი რაც ადგილობრივებს აწუხებთ პირველ რიგში არის – უმუშევრობა, შემოსავლების ნაკლებობა, მედიკამენტების გაზრდილი ფასები. სწორედ ამიტომ „მესამე ძალის“ იდეა არის, რომ პოლიტიკაში დავაბრუნოთ ის პრობლემები, რომელიც ხალხს აწუხებს,“ – აღნიშნა გიორგი ვაშაძემ.
ამომრჩევლებთან შეხვედრისას თავისი შეფასებები გამოთქვა სამგორის ოლქის მაჟორიტარობის კანდიდატმაც:
„ხელისუფლება, რომელიც დღეს გვყავს, ჩვენი ქვეყნისთვის მხოლოდ მავნებლის ფუნქციას ასრულებს, სწორედ ამიტომ ჩვენ „მესამე ძალა“ შევცვლით არსებულ ნეგატიურ მხარეს და ხელს შევუწყობთ ქვეყნის განვითარებას. მნიშვნელოვანია, რომ ადამიანი დაფასდეს თავისი ნიჭის, გამოცდილების და ცოდნის მიხედვით,“ – აცხადებს ვახო იაშვილი.
ინფორმაციას “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს