კალენდარი, მართლაც, საოცარი მოფიქრება/გამოგონებაა და საუკუნეების განმავლობაში თავისებურად “მართავს” იგი კაცობრიობას, ხოლო მაიას კალენდართან დაკავშირებით ბევრი რამის თქმა შეიძლება და უცნაურობებიც მრავალადაა…
თუმცა ახლა ყურადღებას გავამახვილებთ იმ ციფრულ სილამაზეზე, რასაც კალენდარის თარიღებში ვხედავთ. ყველა ლამაზი, თავისებური თუ “უცნაური” თარიღის ერთად თავმოყრის პრეტენზია არ გვაქვს, თუმცა ამ ციფრული სილამაზის რამდენიმე ვარიანტს შემოგთავაზობთ ამ პუბკლიკაციაში:
ახალი წელთააღრიცხვის წლებში (დღ.თვ.წლ) ლამაზი წყობაა: 01.01.01; 02.02.02; 03.03.03; 04.04.04; 05.05.05; 06.06.06; 07.07.07; 08.08.08; 09.09.09; 10.10.10; 11.11.11 და 12.12.12 – ბოლოს წინა თარიღი ერთგვარი ბევრი ერთის ეფექტია… აღსანიშნავია, რომ 13-ზე და შემდგომ, მსგავსი წყობა უკვე ვეღარ ხერხდება, კალენდარში არსებული “შეზღუდვის” გამო – თვეების რაოდენობის მაქსიმუმი 12-ია და იმიტომ, შესაბამისად არ არსებობს თარიღი 13.13.13…
თუმცა, ლამაზი თარიღების “კოლექცია” ამით არ დასრულდება და კალენდრის ხსენებულ “შეზღუდვას” კალენდრის სხვადასხვა თარიღებში არსებული ერთგვარი საინტერესო სიმეტრიული წყობით დავაბალანსებთ.
საყურადღებოა, რომ სიმეტრიისთვის ძალიან გამოგვადგა ნოემბრის თვე, მე-11 თვე: 10.11.01; 20.11.02; 30.11.03 და აქაც “შევიზღუდეთ” მე-4 წელზე, რადგანაც თვეებთან ერთად დღეების რიცხვიც შეზღუდულ დიაპაზონშია – მაქსიმუმ 31, ამიტომ ამ მიმართულებაზე შემდეგი 40.11.04 აღარ გამოდის, თუმცა მათემატიკას, ციფრულ შესაძლებლობას მაინც მრავლად აქვს “ქვედა დინებები”… 01.11.10 და 11.11.11 – ბევრი ერთის ეფექტი, ლამაზია სიმეტრიაშიც… 21.11.12; 31.11.13 – უკვე ვეღარ (რატომ? ეს უკვე სხვა “შეზღუდვის” საგანია და გამოიცნობთ, ცხადია), ისევე როგორც 41.11.14 და ა.შ. სამაგიეროდ გვქონდა 02.11.20
12.11.21 – ეს თარიღიც მალე მოვა და… კიდევ ბევრი სხვა ლამაზი დღეები, მრავლად!