ფოთის მერობის კანდიდატი გიგი უგულავა “ერთიანი ნაციონალური მოძრაობის” აღმასრულებელი მდივნის, პარლამენტის წევრ კობა ნაყოფიას თბილისის აეროპორტში შეყოვნების ფაქტს ეხმიანება და მმართველ გუნდს ირონიულად მიმართავს: ,,ხელისუფლებაში ისეთი, პირდაპირი მნიშვნელობით, დებილები არიან, რომ შეიძლება იმ ჩემოდანში მიშას ეძებდნენ სააკაშვილს, რადგან კიევიდან ჩამოდიოდა კობა“:
,,ამ საკითხს ცოტა იუმორისტულად თუ შევხედავთ – ხელისუფლებაში ისეთი, პირდაპირი მნიშვნელობით, დებილები არიან, რომ შეიძლება იმ ჩემოდანში მიშას ეძებდნენ სააკაშვილს, რადგან კიევიდან ჩამოდიოდა კობა.
სინამდვილეში ახლა ყველამ ვიცით, რომ 2 საათი გააჩერებდნენ, მერე ბუნებრივია გამოუშვებენ, ხომ? – არც დააკავებდნენ, კაცს არაფერი დაუშავებია, თავის სამშობლოში ბრუნდება.
ეს არის კლასიკური ბელორუსიზაცია, ანუ შიშის პროვოცირება.
საზოგადოება, ივანიშვილის წარმოდგენით, ადვილად მართვადია, როცა ის არის შიშს ატანილი და შეპყრობილი, მაგრამ სინამდვილეში ,,ქართული ოცნება“ არის მშიშრების პარტია: თაღლითების, ქურდების და მშიშრების. თვითონ ეშინიათ და ამ შიშს პროვოცირებას ახდენენ“, – განაცხადა გიგი უგულავამ.
ავტორი
ნინი ხიჯაკაძე
