გორში მომხდარ, პოლიციელების მხრიდან ძალადობის ფაქტთან მიმართებით მმართველი გუნდის ცალკეულ შეფასებებთან დაკავშირებით მწვავე პოზიციას აფიქსირებს ანალიტიკოსი ლელა ჯეჯელავა:
“როგორ ბედავენ ეს არსაიდან მოსული ქოცი დეპუტატები და ამბობენ, რომ გორში მომხდარი შემზარავი ფაქტი გადაცდომა იყო, რომელიც ყველგან ხდებაო?!
ლევან ხაბეიშვილის, დათო ქაცარავას, გურამ როგავას, დიმა ჩიქოვანის, გია ჯაფარიძის, ზვიად მაისაშვილის, ალეკო თირქიას და მგონი ბევრი გამომრჩა, ფაქტებიც გადაცდომა იყო?
ის რაც კმერებმა არ აღბეჭდეს, მაგრამ ასობით მსხვერპლი ყვება როგორ პირუტყვულად ექცეოდნენ დაკავების მანქანებში სულგამოცლილი პოლიციელებად წოდებულები, ესეც გადაცდომაა?
მაშ რა არის, ქოცო, სისტემური დანაშაული, თუ ვინმე მხოლოდ თქვეს საჯდომს შეეხება? მხოლოდ ამაზე რეაგირებთ? თავს თუ ვინმეს გაუხეთქავენ, თუნდაც ათობით დოკუმენტურად დადასტურებული ფაქტი და ასობით მოწმე არსებობდეს, ეს გადაცდომაა და საჯდომის დაზიანების დადგმული კადრები ან თუნდაც კარანტინის დაშლის ძალადობრივი კადრები სისტემური დანაშაული?
ვინ ხართ, როგორ ბედავთ და ვის უბედავთ ამდენს? მხოლოდ საჯდომი რომ გიჩქროლებთ გულს, იწვევს თქვენში ემოციებს, განსაზღვრავს საშინაო და საგარეო პოლიტიკას, იმიტომ არის ეს ქვეყანა საჯდომში და თქვენც ამ ქვეყნის ისტორიაში მყარად გექნებათ თქვენთვის სათაყვანებელი ორგანოს ხალხური სახელწოდება. გმადლობთ ყურადღებისთვის!😊” – წერს ლელა ჯეჯელავა სოციალურ ქსელში.
