საქართველოს სახელმწიფო უშიშროების სამსახურის მხრიდან ბელარუსის კგბ-თან გაფორმებულ შეთანხმებას ოპოზიცია აკრიტიკებს. ,,სტრატეგია აღმაშენებლის“ პოლიტიკური საბჭოს წევრ სერგო ჩიხლაძეს მიაჩნია, რომ თუ აღნიშნული ხელშეკრულება არ გაუქმდება ქართული, რუსული და ბელარუსის სპეცსამსახურები ფაქტიურად ერთ ორგანიზაციას შექმნიან:
,,რატომ უნდა იყოს ასეთი მჭიდრო თანამშრომლობა რეჟიმთან, რომელსაც მთელი ცივილიზებული სამყარო ემიჯნება?! მით უმეტეს უშიშროების საკითხებში, ტერორისტთან ბრძოლის საკითხებში – ისეთ საკითხებში, რომელზეც ტერორისტულ რეჟიმებთან არ თანამშრომლობენ ფაქტიურად, ხომ?
აქედან გამომდინარე ან სუს-მა უნდა გააკეთოს განცხადება, ან შეაჩეროს ეს ხელშეკრულება. წინააღმდეგ შემთხვევაში, რა თქმა უნდა, გვექნება ლეგიტიმური საფუძველი ვიფიქროთ, რომ ქართული სუს-ი, რუსული ФСБ და ლუკაშენკოს КГБ არიან ერთი ორგანიზაციის, ასე ვთქვათ, სხვადასხვა შტოები“, – განაცხადა სერგო ჩიხლაძემ.
ავტორი
ნინი ხიჯაკაძე