პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური ხუთი ივლისის ძალადობრივ ქმედებებთან დაკავშირებით აცხადებს, რომ ამ მოვლენებს არ უნდა მიენიჭოს პოლიტიკური სარჩული და დამნაშავეები აუცილებლად უნდა დაისაჯონ:
„ისრების გადატანის მცდელობა „ქართული ოცნებისკენ“ ეს არის უსუსური მცდელობა და ძალიან სამწუხარო მცდელობა, ამავდროულად.
რა თქმა უნდა, ჩვენ ვგმობთ ყოველგვარ ძალადობას. ჩვენთვის მიუღებელი არის და ვემიჯნებით ასეთ სამარცხვინო საქციელს. ცალკეული შემთხვევები, რომლებიც ნამდვილად ატარებს ძალადობრივ ხასიათს, მე მინდა გითხრათ, რომ სახელმწიფოს როლი და რეაგირება გამოიხატება იმაში, რამდენად ადეკვატურია ამაზე სახელმწიფოს რეაგირება.
თუ არ იქნება საკმარისი რეაგირება, თუ დარჩება ძალადობრივი ქმედებები რეაგირების გარეშე, რა თქმა უნდა, თქვენთან ვიქნები, როგორც კითხვის ფორმაშია ასევე მკაცრად მოვითხოვ აღნიშნულზე რეაგირებას“, – აცხადებს ალუდა ღუდუშაური.
