“ყველაფერი კარგად იქნება და სიარულსაც შევძლებ, თუმცა, წინ ჯერ კიდევ გრძელი და რთული გზაა…” – თინა ხიდაშელი

კოვიდ-19-ის ინფექციის გართულებული ფორმის გამო თავდაცვის ყოფილი მინისტრი, თინა ხიდაშელი, გერმანიაში იმყოფება და იქ გადის გამოკვლევების კურსს. თავისი ჯანმრთელობის მდგომარეობის შესახებ, საზოგადოების მხრიდან მაღალი ინტერესის გამო, სოციალურ ქსელში პოსტს აქვეყნებს და მადლობას უხდის ყველას მხარდაჭერისა და გულშემატკივრობისთვის:

“ცოტაოდენი სიახლეები გულშემატკივრებს.

კეთილი ადამიანების, მეგობრების და ბევრი კარგი ხალხის რჩევის, თხოვნის, მოთხოვნის და დახმარების შედეგად ვიმყოფები გერმანიაში კვლევებზე და ფეხზე დადგომა/გამოჯანმრთელების გზების დასადგენად.

მიუხედავად ბევრი დიდი თუ პატარა პრობლემისა, რომელიც ყოველდღიურად ჩნდება, როგორც ჩანს, ყველაფერი კარგად იქნება და სიარულსაც შევძლებ. თუმცა, წინ ჯერ კიდევ გრძელი და რთული გზაა…

ყველას, ნაცნობებს და უცნობებს, დიდი მადლობა კიდევ ერთხელ ვინც ვინც მწერთ, მეხმიამებით და მუდმივად კითხულობთ ჩემს ამბავს“, – წერს თინა ხიდაშელი ფეისბუქის პირად გვერდზე.