“სტრატეგია აღმაშენებლის” ერთ-ერთი ლიდერი და პარლამენტის წევრი თეონა აქუბარდია, გენერალ მაზნიაშვილის სახელობის ახალგაზრდული ლეგიონის საველე სწავლებას დაესწრო. გასვლითი ღონისძიება წოდორეთში გაიმართა. აქუბარდიას თქმით ქვეყნის თავდაცვის უნარიანობის მსგავსი საქმიანობა მნიშვნელოვანია:
“მსგავსი საველე გასვლები მნიშვნელოვანია თავდაცვის უნარიანობისთვის. ახლაგაზრდა ლეგიონერებს უყალიბდებათ საწყისი სამხედრეო ცოდნა და უნარ-ჩვევები, ასევე საჭირო ცოდნა ქვეყნის ეროვნული უსაფრთხოების წინაშე მდგარი გამოწვევების შესახებ.
უნდა აღინიშნოს, რომ მსგავსი ორგანიზაციები წარმატებულად ფუნქციონირებს ნატოს წევრ ქვეყნებში. ჩვენი დღევანდელი შეხვედრა გაცნობითი ხასიათის იყო. გამოვთქვით სურვილი მათთან მჭიდრო თანამშრომლობის პარლამენტის თავდაცვისა და უშიშროების კომიტეტთან.
კიდევ ერთხელ მადლობა მინდა გადავუხადო ლეგიონერებს ქვეყნისთვის საჭირო საქმისთვის და ეროვნულ გვარდიას ლეგიონის მხარდაჭერისთვის” – აცხადებს თეონა აქუბარდია.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
