„ერთიანი ნაციონალური მოძრაობის“ თავმჯდომარე ნიკა მელია ვაშინგტონში გამგზავრებასთან დაკავშირებით აცხადებს, რომ დაგეგმილ შეხვედრებზე ისაუბრებს ქვეყანაში არსებულ მძიმე მდგომარეობაზე და გააცნობს პარტიის ხედვებს:
,,მნიშვნელოვანი და რაც ყველაზე მთავარია, სასარგებლო შეხვედრები გაიმართება ვაშინგტონში – ყველა დონეზე. ეს იქნება კონგრესი, სენატი თუ უშიშროების საბჭო.
ჩემთვის, როგორც არჩეული პარტიის თავმჯდომარისთვის, არის ამ რანგის პირველი შეხვედრა და მათ მინდა იცოდნენ ჩვენი პარტიის, „ნაციონალური მოძრაობის“ ხედვის/გეგმების თაობაზე.
რა თქმა უნდა, უფრო მნიშვნელოვანი, რაზეც მეტად უნდა ვისაუბრო, ვიდრე საკუთარი პარტიაა, ეს არის საქართველოს ეკონომიკური მდგომარეობა, უსაფრთხოება. ასევე, რეგიონში შექმნილი უმძიმესი ვითარება და გვინდა კიდევ უფრო გაღრმავდეს პარტნიორ სახელმწიფოებს შორის ურთიერთობა“, – განაცხადა ნიკა მელიამ.