ნიკა მელიასთვის გირაოს გადახდისა და მისი გათავისუფლების საკითხის კომენტირებისას საქართველოს მთავრობის მეთაური, ირაკლი ღარიბაშვილი აცხადებს, რომ მიუხედავად განსხვავებული პოზიციისა, კანონი უნდა აღსრულდეს და ყველა დაემორჩილოს კანონს:
“ჩვენ კარგად გვახსოვს, ეს ადამიანი ამბობდა, რომ ვერც დაიჭერდნენ და არც გირაოს გადაიხდიდა.
რა თქმა უნდა, კანონი აღსრულდა და ჩვენ ნებართვას არავის შევეკითხებით არასოდეს, რომ კანონი აღსრულდეს და ყველა დაემორჩილოს კანონს. უნდა დაიმახსოვროს ყველამ, რომ ამ ქვეყანაში არავინ დგას და არავინ იდგება არასოდეს კანონზე მაღლა, არც კანონზე დაბლა.
ამავდროულად, ჩვენ, არავის შევეკითხებით ნებართვას, არც მათ შორის ამ გაუგებარ ადამიანს, რომელიც ბაქიბუქობდა ტყუილად.
ამბობდა, რომ გირაოს არ მიიღებდა, თუ არ გადაიხდიდა. აღმოჩნდა, რომ დაიჭირეს კიდევაც და გირაოც მიიღო ძალიან კარგად,” – განაცხადა ირაკლი ღარიბაშვილმა.
