პრეზიდენტის ადმინისტრაციაში ოპოზიციონერი ლიდერები ცალკეულ საკითხებთან მიმართებაში კონსულტაციებს გადიოდნენ საქართველოს პრეზიდენტ, სალომე ზურაბიშვილთან. შეხვედრის დასრულების შემდეგ ,,სტრატეგია აღმაშენებლის” ლიდერი, გიორგი ვაშაძე კომენტარს აკეთებს ადმინისტრაციულ სამართალდარღვევათა კოდექსში პარლამენტის მიერ შეტანილ ცვლილებებთან დაკავშირებით და აქვს მოლოდინი, რომ შესაძლოა სალომე ზურაბიშვილმა გამოიყენოს ვეტოს უფლება. ოპოზიციონერი ლიდერი ასევე ღიად აცხადებს, რომ თუ ადმინისტრაციულ სამართალდარღვევებზე აღარ იქნება გაზრდილი ჯარიმები, მხარს დაუჭერენ კანონპროექტს:
,,კარგი იქნება თუ პრეზიდენტი ვეტოს გამოიყენებს, რადგან ჩვენ მაინც ვაპირებთ ხელახლა კანონის რეგისტრაციას პარლამენტში და უკეთესი იქნება თუ მოხდება ვეტოს მექანიზმით – ძალიან მარტივი ამოცანა გვაქვს: დაბრუნდეს იგივე ჯარიმის ნიშნულები, რაც იყო და რაც ისედაც უსამართლოდ მაღალია.
ამ შემთხვევაში, თუ ეს დაბრუნდება იგივე ნიშნულზე, მე ღიად ვამბობ, რომ ჩვენ მხარს დავუჭერთ ასეთ შემთხვევაში კანონპროექტს, რომელიც გაითვალისწინებს, რომ გაზრდილი ჯარიმები აღარ უნდა იყოს ადმინისტრაციულ სამართალდარღვევებზე.
დღევანდელი შეხვედრის შემდეგ მე მოლოდინი გამიჩნდა, რომ ვეტო შესაძლებელია იყოს. ოღონდ ვეტოს მოჰყვება ასევე კანონი ანუ ის ალტერნატიული წინადადებები, რასაც პრეზიდენტი გვთავაზობს.
ნამდვილად არ ვიცი რა იქნება ალტერნატიულ წინადადებაში“, – განაცხადა გიორგი ვაშაძემ.
ავტორი
ნინი ხიჯაკაძე
