“მაქვს იმედი, რომ ქალბატონი პრეზიდენტი ამ საშინელ კანონპროექტს დაადებს ვეტოს” – იაგო ხვიჩია

პრეზიდენტის ადმინისტრაციაში გუშინ იმყოფებოდა პარლამენტის წევრი, პოლიტიკური გაერთიანება ,,გირჩის” თავმჯდომარე იახო ხვიჩია. შეხვედრის მიზანი იყო დაერწმუნებინა სალომე ზურაბიშვილი, რომ მას ვეტო დაედო პარლამენტის მიერ ადმინისტრაციულ სამართალდარღვევათა კოდექსში განხორციელებული ცვლილებებისთვის:

,,ერთი თემა განვიხილეთ ადმინისტრაციულ სამართალდარღვევათა კოდექსში განხორციელებული ცვლილებები.

ამ ცვლილების შესახებ მე facebook-ზე ვთხოვე პრეზიდენტს, რომ ვეტო დაედო. ამ თემასთან დაკავშირებით მას სურდა ჩემთან საუბარი.

გავაცანი ჩემი პოზიცია, ავუხსენი თუ განხორციელებული ცვლილებები რატომ იყო საბჭოთა ცვლილებები, თავისი შინაარსით და რატომ იყო წინააღმდეგობაში ბატონ შარლ მიშელის მიერ წარმოდგენილ დოკუმენტთან, რომლის გულშემატკივარიც, როგორც ჩემთვის ცნობილია, პრეზიდენტიც იყო.

ჩვენ ყველანი ველოდებით, რამდენიმე დღე და შეიძლება საათიც არის დარჩენილი იმისთვის, რომ პრეზიდენტმა მიიღოს გადაწყვეტილება ამ კანონპროექტთან დაკავშირებით.

მე მაქვს იმედი, რომ ქალბატონი პრეზიდენტი ამ საშინელ კანონპროექტს დაადებს ვეტოს“,-განაცხადა იაგო ხვიჩიამ.

ავტორი
ნინი ხიჯაკაძე