“ეს არ არის ნატოსა და ევროპის პრაქტიკა, როცა სამოქალაქო აქტივისტებს რეპრესიული მექანიზმით აჩერებებ, ეს არის ბელორუსისა და რუსეთის პრაქტიკა” – პაატა მანჯგალაძე

,,სტრატეგია აღმაშენებლის” გენერალური მდივანი, პაატა მანჯგალაძე ადმინისტრაციულ სამართალდარღვევათა კოდექსში 166-ე და 173-ე მუხლებთან მიმართებაში შეტანილ ცვლილებებს ეხმიანება აღნიშნავს, რომ ამ ეტაპზე მნიშვნელოვანია საქართველოს პრეზიდენტმა გამოიყენოს ვეტოს უფლება, რადგან ადმინისტრაციული სამართალდარღვევათა კოდექსში შეტანილი ცვლილები არ არის გზა ნატოსა და ევროპისკენ:

,,ჩვენ ვიცით, რომ უფრო რეპრესიული ხდება ადმინისტრაციულ სამართალდარღვევათა კოდექსი, რომელშიც ცვლილებები სამი მოსმენით არის მიღებული.

ეს არ არის ნატოსა და ევროპის პრაქტიკა, როცა სამოქალაქო აქტივისტებს რეპრესიული მექანიზმით აჩერებებ, ეს არის ბელორუსისა და რუსეთის პრაქტიკა.

ჩვენ ნათლად გვინდა, რომ ავუხსნათ ყველას, ეს პრაქტიკა არ არის გზა ევროპისკენ, ეს არის გზა ავტოკრატიისკენ.

ეს უნდა შეაჩეროს პრეზიდენტმა, თუ ამას უჭერს მხარს“, – განაცხადა პაატა მანჯგალაძემ.

ავტორი
ნინი ხიჯაკაძე