დევნილთა, შრომის, ჯანმრთელობისა და სოციალური დაცვის მინისტრის მოადგილე, თამარ გაბუნია განმარტებას აკეთებს სინოფარმის ეფექტურობასთან დაკავშირებით, მისი თქმით, შეიძლება გარკვეულად მეტი დრო დასჭირდეს ჯგუფს ამ გადაწყვეტილების მისაღებად, თუმცა ეს ვაქცინაციის პროცესს არ შეაფერხებს:
“სინოფარმის თაობაზე, მეტად კარგი მონაცემები არის ახალგაზრდა ასაკობრივ ჯგუფში. დღეს კიდევ იმსჯელებს ჯანმრთელობის მსოფლიო ორგანიზაციის ექსპერტთა ჯგუფი, წინა მსჯელობის შედეგები, ასეთი იყო – სინოფარმი მართალია რეკომენდირებულია ყველა ასაკობრივ ჯგუფში, მათ შორის ხანდაზმულებშიც, თუმცა 60 წლის ზემოთ, სინოფარმის ეფექტურობის შესახებ მონაცემი შედარებით მწირია.
შეიძლება გარკვეულად მეტი დრო დასჭირდეს ჯგუფს ამ გადაწყვეტილების მისაღებად, რაც ჩვენს შემთხვევაში ვაქცინაციის პროცესს არ შეაფერხებს, სინოფარმით ვაქცინაცია, როგორც დაანონსებული იყო, 4 მაისიდან დაიწყება, კიდევ ერთხელ მინდა გავიმეორო, რომ სინაფარმი დღევანდელი მდგომარეობით ავტორიზებულია 35 ქვეყანაში“, – განაცხადა თამარ გაბუნიამ.
ავტორი
სალომე მჭედლიძე
