პროდიუსერი, ტელეწამყვანი მიშა მშვილდაძე სოციალური ქსელის მეშვეობით ეხმიანება ქვეყანაში მიმდინარე პოლიტიკურ პროცესებს. მისი შეფასებით პარლამენტში ოპოზიციის შესვლა პასუხისმგებლურ ქმედებადაა მიჩნეული:
“ერთი პოლიტიკური პატიმრით ნაკლებია საქართველოში – ვულოცავ ყველას, ვინც დაკავებულის გათავისუფლებას ელოდა – დღეს რურუა თავისუფალია ოპოზიციის პასუხისმგებლიანი ნაწილის მიერ მიღებული რთული გადაწყვეტილების და ხელისუფლებაზე დასავლეთის ზეწოლის შედეგად და ყოჩაღ ოპოზიციის პასუხისმგებლიან ნაწილს.
დღის მანძილზე მეც გაორებული გრძნობით ვუყურებდი პარლამენტის კადრებს, მაგრამ დღის ბოლოს პირველმა დამდგარმა შედეგმა ეს უხერხულობა გადაფარა და პირიქით – პასუხისმგებლიან ძალად წარმოაჩინა მიშელის ხელშეკრულებაზე ხელმოწერის ერთგულები.
რაც შეეხება ოპოზიციის მეორე ნაწილს – ვფიქრობ დღეს დიდი შეცდომა დაუშვით – ცხადია, შეგეძლოთ არ შესულიყავით პარლამენტში, სანამ პარტიის ლიდერი ციხეშია, მაგრამ სხვების დახვედრა და ლანძღვა და მოღალატეების ძახილი იმისთვის, რასაც ორ დღეში თქვენც გააკეთებთ მართლა, როგორც იმ შეთანხმებაზე ხელმოწერის გადაწყვეტილება იყო – აბსოლუტურად გაუგებარია“, – განაცხადა მიშა მშვილდაძემ.
