შეთანხმების დოკუმენტის კონკრეტული პუნქტის პირობის შესაბამისად და პრეზიდენტის მიერ გამოცემული შეწყალების აქტის შემდეგ საპატიმრო დატოვა გიორგი რურუამ. ჟურნალისტებთან კომენტარში ტელეკომპანია “მთავარი არხის” თანადამფუძნებელმა აღნიშნა, რომ შეთანხმების პირველი პუნქტის ნახევარი შესრულდა, იგი თავისუფალია, ახლა მეორე ნაწილიც უნდა შესრულდეს და ნიკა მელიაც უნდა გათავისუფლდეს:
“პირველი პუნქტის ნახევარი შესრულდა, კრიზისის დასაძლევად მნიშვნელოვანია, მეორე ნახევარიც შესრულდეს და ნიკა მელიამ სასწრაფოდ დატოვოს უკანონო პატიმრობა.
წელიწადნახევარი რატომ გავატარე საპატიმროში, არ ვიცი, ტყუილი ბრალდებით და ეს დამტკიცდება.
მადლობა მინდა ვუთხრა ოპოზიციას, რასაც აკეთებს. მე მათი მჯერა და მწამს და ხელი უნდა შევუწყოთ,” – განაცხადა გიორგი რურუამ საპატიმროს დატოვების შემდეგ.
