“ნაციონალური მოძრაობა” ამ დოკუმენტს ხელს არ აწერს – აკაკი მინაშვილი

ოპოზიციური პარტიების წარმომადგენლები განმარტებებს აკეთებენ ევროპული საბჭოს პრეზიდენტის, შარლ მიშელის ეგიდით შემოშავებულ დოკუმენტთან მიმართებაში. “ერთიანი ნაციონალური მოძრაობის” პოლიტიკური საბჭოს წევრი, აკაკი მინაშვილი პარტიის პოზიციის დაფიქსირებისას აცხადებს, რომ არ მოაწერენ ხელს აღნიშნულ დოკუმენტს, რადგანაც აქვთ კონკრეტული შენიშვნები:

“ნაციონალური მოძრაობა ამ დოკუმენტს ხელს არ აწერს შემდეგი მიზეზების გამო: პირველ რიგში, ბუნდოვანია პოლიტიკური პატიმრების გამოშვების თემა, რადგანაც აქ არის საუბარი გირაოზე. თქვენ იცით ჩვენი პოზიცია გირაოს გადახდაზე. ნიკა მელიასთან მიმართებაში საუბარია ასევე ამნისტიაზე და იმ ჩანაწერით, რაც არის ამ შეთანხმებაში, ძალიან ფართოა და მოიცავს იმ ადამიანებს, საჯარო მოხელეებს, ვინც გადამეტებული ძალის გამოყენებით და ძალადობით ზიანი მიაყენა იმ ადამიანებს, ვინც გამოხატავდა თავის პროტესტს რუსული ოკუპაციის წინააღმდეგ. ეს მიდგომა ჩვენთვის მიუღებელია, ჩვენ ასეთ ამნისტიაში მონაწილეობას ვერ მივიღებთ. ასეთი მიდგომა კიდევ უფრო გაამძაფრებს ვითარებას და კიდევ უფრო მეტ პოლარიზებას მოახდეს“, – აცხადებს აკაკი მინაშვილი

შეგახსენებთ, შარლ მიშელის დოკუმენტში, რომელიც ყველა პოლიტიკური პარტიისთვის არის შეთავაზებული, 5 პუნქტისგან შედგება და მასში საუბარია პატიმრების ციხიდან გამოშვებასა და ვადამდელი არჩევნების ჩატარებასთან პრინციპზე.

ავტორი
სალომე მჭედლიძე