დამოუკიდებელი საქართველოს პირველი პრეზიდენტი ზვიად გამსახურდია დღეს 82 წლის გახდებოდა. განმათავისუფლებელი მოძრაობის ერთ-ერთი ლიდერი, საქართველოს ეროვნული გმირი ზვიად გამსახურდია 1939 წლის, 31 მარტს დაიბადა, დიდი ქართველი მწერლის კონსტანტინე გამსახურდიასა და მირანდა ფალავანდიშვილის ოჯახში.
ზვიად გამსახურდია მერაბ კოსტავასთან ერთად, 70-80-იან წლებში საქართველოში ეროვნულ-განმათავისუფლებელი მოძრაობის სულისჩამდგმელი და მედროშე იყო.
მან დაარსა პოლიტიკური ბლოკი ,,მრგვალი მაგიდა – თავისუფალი საქართველო”. 1990 წლის 28 ოქტომბერს კი ბლოკმა მრავალპარტიულ არჩევნებში გაიმარჯვა. თავისუფალი და დამოუკიდებელი საქართველოს პირველი პრეზიდენტი, საქართველოს უმრავლესობის მხარდაჭერით, 1991 წლის 9 აპრილს პრეზიდენტად აირჩიეს.
სახელმწიფო გადატრიალების შედეგად, პრეზიდენტმა პოსტი 1992 წლის 6 იანვარს დატოვა, 1993 წლის 31 დეკემბერს ზვიად გამსახურდია ხობის რაიონ სოფელ ხიბულაში გარდაიცვალა, მისი დაღუპვის გარემოებები ამ დრომდე უცნობია.
იგი დაკრძალულია მთაწმინდის მწერალთა და საზოგადო მოღვაწეთა პანთეონში.
ავტორი
ნინო დავითაძე