გოგი წულაიას პატიმრობიდან გათავისუფლებას მოითხოვს “ლეიბორისტული პარტიის” ერთ-ერთი ლიდერი ლაშა ჩხარტიშვილი და მზადყოფნას გამოხატავს თავდებში დაუდგეს მას:
“გოგი წულაია გახდა ბერა ივანიშვილის და ივანიშვილების ოჯახის ანგარიშსწორების მსხვერპლი. სწორედ ამის შედეგია ის, რომ დღეს ეს ადამიანი არის წინასწარ პატიმრობაში. ჩვენ ვთვლით, რომ მისი მდგომარეობა სრულად შეესაბამება ევროკავშირის კრიტერიუმს პოლიტპატიმართან მიმართებაში და ვაღიარებთ ასეთად. ამასთანავე მოვითხოვთ მის დაუყოვნებლივ გათავისუფლებას.
როგორც პოლიტპატიმრობიდან, ასევე ჯანმრთელობის მდგომარეობის გათვალისწინებით, მე პირადად, თავდებში ვუდგები გოგი წულაიას, ისევე ალბათ, როგორც ბევრი სხვაც მომბაძავს და მზად ვარ, რა თქმა უნდა, პასუხი ვაგო ამ პრინციპული და მებრძოლი პოლიტიკოსის შემდგომ ქცევაზე, რომელიც არანაირ კავშირში არ არის რაიმე იმ ფორმალურ დასაბუთებასთან, რის გამოც პროკურატურამ, პოლიტიკური დაკვეთის შედეგად, გაისტუმრა პატიმრობაში.
მზად ვართ ბოლომდე ვიბრძოლოთ გოგი წულაიას გათავისუფლებისათვის, რადგან პოლიტიკურ რეპრესიებს უნდა მოეღოს ბოლო,” – აცხადებს ლაშა ჩხარტიშვილი.
