მოძრაობა „ხალხისთვის“ ლიდერი ანა დოლიძე ტელეკომპანია „მთავარის“ ეთერში გასულ სიუჟეტს ეხმიანება, სადაც სუს-ის ყოფილი თანამშრომელი აცხადებდა, რომ არსებობს ფარული ჩანაწერები, მათ შორის ანა დოლიძესთან მიმართებაში:
“ვითხოვ გამოძიებას გულაშვილის ჩვენების საფუძველზე. ეს საქმე გამოიწვევს საერთაშორისო სკანდალს. ქართულ ოცნებას” ბოლო სტადიის სიმსივნე აქვს. გემი იძირება, ხედავენ საფრთხეს და ამიტომ გვივარდებიან სახლებში, სამზარეულოებში“, – წერს ფეისბუქის საკუთარ გვერდზე ანა დოლიძე.
ოპოზიციონერი ლიდერი “ქართულ ოცნებას” მიმართავს და აცხადებს, რომ ფარული ჩანაწერების თემა არ შერჩებათ:
“გარანტიას ვაძლევ “ქართულ ოცნებას”, რომ ეს იქნება უსერიოზულესი სკანდალი გლობალური მასშტაბით. სახლში კამერების დამონტაჟების და ფარული ჩანაწერების თემა არცერთ ხელისუფლებას შერჩენია და არც მათ შერჩებათ,” – განაცხადა ანა დოლიძემ ტელეკომპანია “პირველის” ეთერში.
