ოპოზიცია ევროკავშირის წარმომადგენლობის ოფისში იმყოფება, სადაც მიმდინარეობს მოლაპარაკებები ევროპის საბჭოს პრეზიდენტის სპეციალურ წარმომადგენელთან, კრისტიან დანიელსონთან. აღნიშნულ შეხვედრას ესწრება ,,ერთიანი ნაციონალური მოძრაობის” წევრი სალომე სამადაშვილი, რომელიც აღნიშნავს, რომ ხელისუფლებამ წინა შეხვედრაზე დატოვა არაპოზიტიური შედეგის განცდა და მიიჩნევს, რომ სასურველი შედეგის მისაღებად ორივე მხარის მაქსიმალური ჩართულობა აუცილებელია:
,,გუშინ ,,ქართული ოცნების” განცხადებამ საზოგადოებაში გააჩინა განცდა, რომ ეს მოლაპარაკებები ამ ეტაპზე უშედეგოდ დასრულებულიყო და ჩვენ მივესალმებით იმას, რომ მედიატორმა გადაწყვიტა გაეგრძელებინა საკუთარი ყოფნა საქართველოში. იგი არ აპირებს, რომ ხელცარიელი ბრიუსელში ჩასვლის შესაძლებლობა მისცეს საქართველოს პრემირ-მინისტრს.
მაგრამ ფაქტია, რომ რაც არ უნდა მონდომებული იყვნენ მედიატორი და ოპოზიცია, ამ შეთანხმებას სჭირდება ორი მხარე”, – განაცხადა სალომე სამადაშვილმა.
ავტორი
ნინი ხიჯაკაძე
