მოლაპარაკებების პროცესს არაერთგვაროვანი შეფასებები მოჰყვა ოპოზიციისა და ხელისუფლების წარმომადგენლების მხრიდან. ოპოზიციას მიაჩნია, რომ ბრიუსელში პრემიერ-მინისტრი ირაკლი ღარიბაშვილი, ცარიელი ხელებით მიდის, რადგანაც შეთანხმება ვერ მოხდა მნიშვნელოვან საკითხებზე, რასაც არ ეთანხმება “ქართული ოცნების” თავმჯდომარე, ირაკლი კობახიძე. მმართველი პარტიის ლიდერმა შეხვედრის დასრულების შემდეგ კომენტარი გააკეთა ჟურნალისტებთან:
“ძალიან მსხვილი პაკეტით მიდის პრემიერ-მინისტრი ირაკლი ღარიბაშვილი ევროპაში, ბრიუსელში. ცარიელი ხელებით არის დარჩენილი მხოლოდ ოპოზიცია. მათ აქვთ ცარიელი ხელები, დარჩენილი არიან ქუჩაში, არიან გაკოტრებული, მათ აქვთ ცარიელი ხელები. ჩვენ გვაქვს სავსე ხელები, რომლითაც ჩავდივართ ბრიუსელში და ეს ყველაფერი არის დაკავშირებული იმასთან, რომ ჩვენ გვაქვს ძალიან კონკრეტული ხელშესახები წარმარმატებები ინტეგრაციის მიმართულებით”, – განაცხადა ირაკლი კობახიძემ.
