“ერთიანი ნაციონალური მოძრაობის” თავმჯდომარის, ნიკა მელიას მიერ გაცხადებულ უარს, მასზე დაკისრებული გირაოს გადახდასთან დაკავშირებით, ეხმიანება “ქართული ოცნების” გენერალური მდივანი. კახა კალაძეს მიაჩნია, რომ გირაო აუცილებლად უნდა იყოს გადახდილი ნიკა მელიას მიერ ან მისი მეგობრების მხრიდან:
“საუბარია კონკრეტულ დანაშაულზე და ნიკა მელიას მოუწევს გირაოს გადახდა. ბოლო დღეების განმავლობაში ჩვენ ვისმენთ, რომ ის არ გადაიხდის, თუმცა ბევრჯერ გვინახავს ასეთი სცენები და დარწმუნებული ვარ იმაში, რომ გირაოს გადახდა მოხდება.
შესაძლოა ეს პირდაპირ მისი მხრიდან არ მოხდეს, მაგრამ შესაძლოა მოხდეს მისი მეგობრების მხრიდან.
თავის თავზეა დამოკიდებული, იქნება გარეთ თუ შევა ციხეში. ჩვენ, არც მე და არც ჩემს თანაგუნდელებს არავის დაჭერა არ უხარია,” – აღნიშნა კახა კალაძემ.