“სტრატეგია აღმაშენებლის” გენერალური მდივანი, ოპოზიციონერი დეპუტატების უფლებამოსილების შეწყვეტასთან დაკავშირებით, 2 თებერვალს პარლამენტში დაგეგმილ კენჭისყრას ეხმიანება და მიაჩნია, რომ ეს იქნება მძიმე გადაწყვეტილება და არ წაადგება სახელმწიფოს და დემოკრატიას:
“კენჭისყრის შემდეგ 2 თებერვლიდან პარლამენტი უკვე ოფიციალურად გახდება ერთპარტიული, რაც ძალიან მძიმეა და არ წაადგება სახელმწიფოს და დემოკრატიას, მაგრამ ეს არ არის ოპოზიციის ბრალი. ის სტანდარტული პასუხი, რომ არჩევნები ყოველთვის ყალბდებოდა და ახლაც ჩვეულებრივად გაყალბდა და რა უჭირს მერე, ერთხელ და სამუდამოდ უნდა დასრულდეს.
ვიღაცამ უნდა გადაიხადოს პოლიტიკური ფასი და საქართველოში არჩევნების გაყალბების “ტრადიცია” უნდა დასრულდეს. სწორედ ამას ემსახურება ჩვენი გადაწყვეტილება ბოიკოტთან დაკავშირებით,” – აცხადებს პაატა მანჯგალაძე.
