ალექსანდრე ელისაშვილის მიერ გამოთქმულ მოსაზრებას, რომ გიორგი რურუას პატიმრობაში დარჩენა დიდწილადაა ოპოზიციის ბრალი, ფეისბუქის პირადი გვერდის მეშვეობით ეხმიანება თავად მსჯავრდებული:
“ჩემო მეგობარო ალეკო,
ჩემს უკანონო დაკავებაში და ასევე უკანონო პატიმრობაში, პასუხისმგებლობა ეკისრება ერთადერთ ადამიანს – ბიძინა ივანიშვილს.
მადლობა მინდა გადავუხადო არასამთავრო ორგანიზაციებს, დამოუკიდებელ მედიას და პრინციპულ ოპოზიციას, რომლებიც მეხმარებიან ჩემი უდანაშაულობის დადგენაში.
და ბოლოს, მინდა განვაცხადო, რომ სრულად მხარს ვუჭერ დასავლური ოპოზიციური პარტიების პოზიციას.
ბიძინა ივანიშვილის პირადი პოლიტპატიმარი გიორგი რურუა“.
ინფორმაციისთვის: ტელეკომპანია “ფორმულას” ეთერში პარტია “მოქალაქეების” ლიდერმა, ალექსანდრე ელისაშვილმა 8 მარტის შეთანხმებასთან და პოლიტპატიმრების საკითხში გიორგი რურუასთან დაკავშირებთ განაცხადა – “ერთადერთი გიორგი რურუა დატოვეს და იქაც, არ მინდა რაღაცეებზე ლაპარაკი, მაგრამ ოპოზიციასაც ჰქონდა რაღაცები მიქარული, სიმართლე გითხრათ. და თავის თავში ჩაიხედონ.
ამაზე ვერ ვილაპარაკებ, ეს ძალიან დელიკატური საკითხია, მაგრამ იქ, დახურულ შეხვედრაზე, “ქართულმა ოცნებამ” რაღაცეები რომ უთხრა და გაახსენა ოპოზიციას, ყველამ თავი დახარა, სიმართლე გითხრათ. და თავის თავს დააბრალონ. გამგები გაიგებს. შეთანხმება რომ სრულად არ შესრულდა ოპოზიციის ბრალია დიდწილად“.
