‘‘ქართული ოცნების’’ წევრი, დეპუტატი ირმა ზავრადაშვილი, პარლამენტის რიგგარეშე სესიის პლენარულ სხდომაზე ინიციატივით გამოვიდა, რომ მოხდეს საბავშვო ბაღის აღსაზრდელების დიფერენცირება და ზოგიერთი ბავშვის აღზრდის პროცესი არ იყოს უფასო:
‘’ბევრი საბავშვო ბაღი ვერ გაივლის ავტორიზაციას, ყველაფერს სჭირდება ბიუჯეტი.
რატომ არ ხდება იმის დიფერენცირება, რომ საბავშვი ბაღებში ყველა ბავშვის აღზრდის პროცესი არ იყოს უფასო და რატომ არ არის ეს მშობლების შემოსავლებზე მიბმული?
რატომ ხდება, რომ ჩემი შვილიც და სოციალურად დაუცველი ადამიანის შვილიც ერთდროულად უნდა სარგებლობდეს ბიუჯეტიდან? ხომ შეიძლება რაღაცა ფორმის დიფერენცირება გაკეთდეს?
უფასო საბავშვო ბაღი ძალიან კარგია, მაგრამ როცა ასეთი მდგომარეობა გვაქვს, რატომ არ მივიდვართ იმ მიმართულებით, რომ დამატებითი შემოსავლები არსებობდეს, რომელიც არც ავტორიზაციის ვადის გადაწევის აუცილებლობის წინაშე დაგვაყენებს და ძალიან ბევრ პრობლემას შეცვლის’’, – განაცხადა ირმა ზავრადაშვილმა.
ავტორი
ანა რობაქიძე