“ბუნების დღევანდელი სახიფათო დეგრადაცია უპრეცედენტოა” – სალომე ზურაბიშვილი

39

გაეროს სამიტიზე, ბიომრავალფეროვნების შესახებ, საქართველოს პრეზიდენტმა სალომე ზურაბიშვილმა აღნიშნა, რომ ჩვენი ქვეყნის მთავარი მიზანია მთლიანი ტერიტორიის 20% წარმოადგენდეს დაცულ ტერიტორიას. პრეზიდენტმა, ასევე, განაცხადა, რომ ჩვენ არ უნდა უგულებელვყოთ ბუნება, რადგანაც კორონავირუსის პანდემია კაცობრიობის მოდგმისა და ბიომრავალფეროვნებისთვის ერთ-ერთი უდიდესი საფრთხეა:

,,ჩვენ, პლანეტარული მასშტაბის საგანგებო მდგომარეობაში, მეექვსე მასობრივი გადაშენების პერიოდში ვიმყოფებით. ბუნების დღევანდელი სახიფათო დეგრადაცია უპრეცედენტოა. COVID-19-ს პანდემიამ მხოლოდ განამტკიცა ჩვენი აღქმა, რომ არ უნდა უგულებელვყოთ ბუნება და დისბალანსების გამომწვევი კლიმატური ცვლილებები და რომ პანდემია კაცობრიობის მოდგმისა და ბიომრავალფეროვნებისთვის ერთ-ერთი უდიდესი საფრთხეა.

დღეს, როგორც არასდროს, ჩვენ გადაუდებელი ტრანსფორმაციული ცვლილებების საჭიროებას ვხედავთ. რაც შეეხება ჩემს ქვეყანას, საქართველო გამოირჩევა თავისი უნიკალური ბიომრავალფეროვნებით. ათასობით ენდემური ჯიშითა და ასი ათასობით ჰექტარზე გადაჭიმული დაცული ტერიტორიით. ,,ზურმუხტის ქსელის“ მეშვეობით, რომელსაც ახლახანს შევუერთდით, ჩვენ ვცდილობთ მივაღწიოთ ჩვენს მიზანს – საქართველოს მთლიანი ტერიტორიის 20% წარმოადგენდეს დაცულ ტერიტორიას. ერთ-ერთი ასეთი ტერიტორია არის თუშეთი, რომელსაც ეკოტურიზმის დიდი პოტენციალი აქვს.

ისეთი ქვეყნისთვის, როგორიც საქართველოა, ეკონომიკური განვითარება სასიცოცხლოდ მნიშვნელოვანია.

ბიომრავალფეროვნების კუთხით ჩვენი მთავარი ორიენტირი აგრობიომრავალფეროვნება და სატყეო მეურნეობაა.

COVID-19- პანდემიას ძლიერი მანიშნებელია იმისა, რომ სწორედ ახლაა მოქმედების დრო“, განაცხადა სალომე ზურაბიშვილმა.

ავტორი
ნინი ხიჯაკაძე

კომენტარები