მიხეილ სააკაშვილი: “ნაციონალური მოძრაობის” ხელისუფლებაში მოსვლის შემთხვევაში წინა ხელისუფლების მიმართ რევანშის კატეგორიული წინააღმდეგი ვიქნები

201

„ნაციონალური მოძრაობის“ და გაერთიანებული ოპოზიციის „ძალა ერთობაშია“-ს პრემიერ-მინისტრობის კანდიდატი, საქართველოს მესამე პრეზიდენტი, მიხეილ სააკაშვილი სოციალურ ქსელში ვიდეო მიმართვას ავრცელებს.

სააკაშვილი მიმართვაში საუბრობს ქვეყნის განვითარების მომავალ გეგმებზე და აცხადებს, რომ გაერთიანებული ოპოზიციის ხელისუფლებაში მოსვლის შემდეგ ის წინა ხელისუფლების მიმართ რევანშის  კატეგორიული წინააღმდეგი იქნება, რადგან ქვეყანამ ერთი და იგივე წრეზე არ იაროს:

ქართველმა ხალხმა იცის რომნაციონალური მოძრაობისდა ერთიანი ოპოზიციის მოსვლის შემთხვევაში, საქართველოში დაიწყება ისევ სწრაფი წინსვლა, ჭაობიდან ამოვა ქვეყანა და ეს იქნება „ქართული ოცნებისთვის“ ყველაზე დიდი სასჯელი და არა რაღაც სისხლის სამართლებრივი დევნა/რევანში, რის კატეგორიულად წინააღმდეგი ვარ პირადად მე და ეს არ განხორციელდება, რადგან არ შეიძლება ქვეყანამ ერთი და იგივე წრეზე იაროს, – აცხადებს მიხეილ სააკაშვილი.

„ნაციონალური მოძრაობის“  პრემიერობის კანდიდატი, ვიდეო მიმართვაში, აჭარის რეგიონში COVID-19-ის სწრაფი გავრცელების მიზეზებზეც საუბრობს. მისი თქმით აჭარაში ვირუსის ასეთი სწრაფი გავრცელება „ნაცნობ-მეგობრობით“ რუსეთიდან ტურისტების შემოყვანამ გამოიწვია.

„ეს ტემპები, რომელიც გამოიწვია ნაცნობ-მეგობრობით ჩაწყობით, ძირითადად რუსეთიდან, ტურისტების შემოყვანამ აჭარაში და შემდეგ ეს გავრცელდა დანარჩენ საქართველოზე, როგორმე სასწრაფოდ უნდა მოვახდინოთ ამის განეიტრალება, იმიტომ რომ ეს იქნება ძალიან დიდი დარტყმა ჩვენი ხალხის ჯანმრთელობაზე და უამრავ ადამიანს მოუსწრაფავს სიცოცხლეს, შეიძლება ამას აქვს პოტენციაც, ბოლომდე გაანადგუროს ისედაც მომსპარი ეკონომიკა“, – აღნიშნავს მიხეილ სააკაშვილი.

ავტორი
საბა გოგებაშვილი

კომენტარები