განათლების ყოფილი მინისტრი, ილიას სახელმწიფო უნივერსიტეტის პროფესორი, პოლიტოლოგი გია ნოდია შეფასება-განმარტებებს აკეთებს ევროპარლამენტის ბოლო რეზოლუციასთან დაკავშირებით:
“შენიშვნა თემაზე: „ვინ ვისი აგენტია“.
ევროპარლამენტის ბოლო რეზოლუცია აჩვენებს, რომ საქართველოს მოვლენების შეფასებაში ევროპის პოლიტიკური ელიტა მიყვება ქართულ პროდასავლურ საზოგადოებას და არა პირიქით.
ესე იგი, ჩვენ კი არა ვართ მათი აგენტები, არამედ უფრო პირიქით, ისინი გამოდიან ჩვენი „აგენტები“.
ცხადია, რეალურად არავინ არავისი აგენტი არ არის, ჩვენც და ევროპარლამენტარებიც დამოუკიდებელი ინდივიდები ვართ, თუმცა ერთმანეთზე გავლენას ვახდენთ.
უბრალოდ, ზოგ ადამიანს მხოლოდ „აგენტების“ პარადიგმაში შეუძლია აზროვნება და მათთვის ასე ჯობია თქმა.
ევროპელების გავლენა ჩვენზე ისაა, რომ მარტო არ ვგრძობთ თავს. ის, რომ „ევროპა ჩვენთანაა“, ბრძოლის გაგრძელების მოტივაციას გვიძლიერებებს.
მეორეს მხრივ, როცა ევროპელები ქართველების შემართებას და გამძლეობას ხედავენ და, მეორეს მხრივ, ესმით, რომ მოვლენებზე პირდაპირ გავლენას ვერ ახდენენ, ჩვენ გვიცხადებენ სოლიდარობას.
ქართველები რომ ბიძინას პოლიტიკურ გადატრიალებას ცხვრებივით უდრტვინველად შეგუებოდნენ, არც ევროპიდან იქნებოდა ის რეაქცია, რასაც ვხედავთ“, – წერს გია ნოდია ფეისბუქის პირად გვერდზე.
