ბოდბის ეპარქიის მთავარეპისკოპოსმა, მეუფე იაკობმა ჟურნალისტებთან ინტერვიუს დროს მეუფეებს მოუწოდა, რომ ხმა ამოიღონ ტელევიზიების თავდასხმაზე. ასევე, გაარკვიონ კონკრეტული ხელმძღვანელები და მოახდინონ რეაგირება:
,,რამდენი ხანია ეკლესიაზე მიდის შეტევა – პრესით, ტელევიზიებით. მე არ ვაბრალებ აღნიშნულს ჟურნალისტებს. ეს ტელევიზიების მეპატრონეების ბრალია, რასაც შეუკვეთავენ ჟურნალისტებს, იმას ასრულებინებენ.
ჩვენ უნდა ვიყოთ ნამდვილი ქართველები, ნამდვილი ქრისტიანები და ყოველგვარ უმსგავსობას თქვენც როგორმე წინ უნდა აღუდგეთ. თუმცა ეს არ ნიშნავრ რომ იგივე მოხდეს, როგორც უცხოეთში – “შარლი ებდოს” ამბავზე, საშინლად რომ შეუვარდნენ და სასტიკად გაუსწორდნენ. ჩვენ, მართმადიდებელი ქრისტიანები, ასეთები არ ვართ, მაგრამ რადგან ასეთები არ ვართ და მოწყალებას ვიჩენთ ჩვენი პირადი მაგინებლების მიმართ, რომელ კრიტიკაზე დამიწყეს საუბარი. კრიტიკა კი არა ჩვეულებრივი ეკლესიის მტრები არიან.
მე ადრეც მოვუწოდე ჩვენს მეუფეებს, რომ ამოიღონ ხმა. მათ გადახედონ ტელევიზიებს, რომლებიც ჩვენ გვიტევს, ასევე დააკვირდნენ ხელმძღვანელები ვინ არიან. ხოლო ხელმძღვანელებმა დაიმახსოვრონ, რომ ყელში ამოგვივა და პასუხს მოვთხოვთ. მათ პასუხი მოსათხოვი აქვთ და მოეთხოვებაც კიდეც.
თუ არ სურთ, რომ ლაჩრულად და სამარცხვინოდ დაასრულონ თავიანთი საქმეები, სჯობს მიხედონ საკუთარ საქმეს“, – განაცხადა მეუფე იაკობმა.
ავტორი
ნინი ხიჯაკაძე
