მნიშვნელოვანია, რომ ჩაქვის ოაზისში გუშინ ავიღეთ 800-ზე მეტი ტესტი – ეკატერინე ტიკარაძე
საქართველოს ჯანდაცვის მინისტრმა ეკატერინე ტიკარაძემ სამთავრობო სხდომაზე განაცხადა, რომ უკვე ჩაქვის ტერიტორიაზეც ჩატარდა ტესტირება, რომელთა პასუხებიც ცნობილი დღის მეორე ნახევარში იქნება. ასევე, აღნიშნა, რომ გადაწყვეტილება მიიღეს გარკვეული საჯარიმო საქციების შესახებ:
,,დავიწყოთ ეპიდსიტუაციით: დღეის მდგომარეობით გვაქვს 20 დადასტურებული შემთხვევა. მნიშვნელოვანია, რომ ჩაქვის “ოაზისში” გუშინ ავიღეთ 800-ზე მეტი ტესტი, რომელთა პასუხებიც დღის მეორე ნახევარში იქნება ცნობილი. შედეგების გაგების შესაბამისად დაიგეგმება ჩვენი სტრატეგია იქ მყოფი დამსვენებლებისთვის.
ასევე, მნიშვნელოვანია, რომ ,,დონას“ კლასტერში ავიღეთ 600-ზე მეტი ტესტი, გამოვლენილი იქნა მხოლოდ 1 შემთხვევა. ეს არის კეთილსაიმედო მაჩვენებელი. აღნიშნულ ფაქტზე არის ვარაუდი, რომ ,,დონას“ კლასტერის ლიკვიდირება მოხდა, რაც ძალიან მნიშვნელოვანია ჩვენი მოქალაქეებისთვის.
შრომის უსაფრთხოების მხრიდან ბათუმში შემოწმებული იქნა 7 ობიექტი, აქედან 2 არ ფუნქციონირებდა, 4 ვერ აკმაყოფილებდა ნორმებს. მათ ჰქონდათ არაერთი სიტყვიერი გაფრთხილება, რომ უნდა დაეცვათ ყველა ის მოთხოვნა, რომელიც ჯანდაცვის სამინისტროს მხრიდან არის რეკომენდირებული. იგი თავისმხრივ ეფუძვნება ჯანდაცვის მსოფლიო ორგანიზაციის მითითებებს, COVID19 და ინფექციის თავიდან ასაცილებლად.
ასევე, მიღებულ იქნა გადაწყვეტილება გარკვეული საჯარიმო საქციების შესახებ,“ – განაცხადა ეკატერინე ტიკარაძემ.
ავტორი
ნინი ხიჯაკაძე
